Meksıkanyń soltústiginde qumdy daýyl soqty

ASTANA. KAZINFORM – Meksıkanyń soltústigindegi Chıýaýa shtatyna qumdy daýyl soǵyp, saldarynan jergilikti áýejaı men ortalyq tas jol ýaqytsha jabyldy, dep habarlady shtattyń azamattyq qorǵanys qyzmeti Facebook paraqshasynda, dep jazdy RBK.

Qaýip týraly eskertý 19 sáýir kúni aldyn ala jarııalanǵan, al daýyl keıinirek shtattyń 10-nan astam mýnıtsıpalıtetin qamtydy.

Negizgi saldary:

• La Razón meksıkalyq basylymynyń habarlaýynsha, kóriný deńgeıi nasharlaǵandyqtan, bılik Panamerıkalyq tas joldy — shtattaǵy basty magıstralderdiń birin ýaqytsha jabýǵa májbúr boldy.

• La República perýandyq gazeti atap ótkendeı, áýejaı qyzmeti de buzylyp, birneshe turǵyn úıge zııan keldi.

Buǵan deıin habarlanǵandaı, Tramp Meksıka men Kanadanyń avtoóndirýshilerine baj salyǵyn toqtatty.