Meksıkanyń ońtústik-batysynda mıkroavtobýs apatqa ushyrap, 15 adam mert boldy

ASTANA. KAZINFORM – Meksıkanyń ońtústik-batysyndaǵy ıÝkatan shtatynda mıkroavtobýs júk kóligimen soqtyǵysyp, 15 adam mert boldy, dep jazady Anadoly.

Meksıkalyq BAQ-tyń habarlaýynsha, qurylys kompanııasynyń jumysshylary alyp bara jatqan mıkroavtobýs Merıda-Kampeche trassasynyń 127-shi kılometrinde aldynda kele jatqan kólikpen soqtyǵysyp, joldyń qarsy betine shyǵyp ketken, sol sátte júk kóligimen soqtyǵysqan.

Jol apaty saldarynan 15 adam oqıǵa ornynda mert boldy, úsh adam jaraqat aldy.

Oqıǵa ornyna órt sóndirýshiler jetti, olarǵa avtobýs ishine qysylyp qalǵan jáne zardap shekkenderdi shyǵarý úshin uzaq ýaqyt eńbektenýge týra keldi.

Oqıǵa boıynsha tergeý bastaldy.

Osyǵan deıin AQSh-ta bolǵan jol apatynda Qytaıdyń úsh azamaty qaza tapqany týraly jazdyq.