Meksıkandyq áıel toǵyz balany dúnıege ákelmek
ASTANA. 3 mamyr. QazAqparat - Meksıkandyq Karla Vanessa Peres birden toǵyz balaǵa júkti boldy, dep habarlady "Vestı.Ru".
Rekordtyq kórsetkishtegi sábıler - alty qyz jáne úsh ul mamyr aıynda dúnıe esigin ashpaq. Bolashaq kóp balaly ana AQSh-pen shektesetin meksıkandyq qalalardyń birinde aı-kúni jetýin kútip jayr.
Onyń aıtýynsha, birden toǵyz sábıdi kóterýge ekstrakorporaldyq uryqtandyrý kómektesken. Ol buryn bedeýlikten emdelgen kórinedi.
Alaıda keıbir dárigerlerdiń aıtýynsha, Karla Peres kádimgi alaıaq. Ol óziniń ekiqabattyǵy týraly áńgime taratyp, jurtshylyqtyń nazaryn ózine aýdarmaqshy. Áıeldi qaraǵan dárigerlerdiń biri Peresti ýltradybystyq tekserýden ótkizgen, zertteý nátıjeleri onyń ekiqabat emes ekendigin kórsetti, dep málimdedi ol meksıkandyq Televisa arnasynda sóılegen sózinde. Jergilikti ókimet oryndary qazir kimdiki durys, kimdiki burys ekenin tekserýde.
Qaıtkende de Karla Perestiń kópbalaly ana atanýy úshin balalardy tirileı týýy tıis. Dárigerlerdiń málimetine qaraǵanda, sońǵy ret birden toǵyz balany Avstralııa turǵyny Djeraldın Brodrık 1971 jyly tapqan. Alaıda bes ul men tórt qyzdyń birde-bireýi tiri qalmaǵan. Ekeýi óli týǵan, qalǵandary dúnıege kelgennen keıin alty kúnnen soń shetinep ketken.
