Meksıkalyqtar Rım Papasyna ókpeli
ASTANA. QazAqparat - Meksıka Úkimeti Rım papasy Frantsısktiń BAQ-ta jarııalanǵan sózi úshin Vatıkanǵa shaǵym túsirmek, dep habarlady VVS.
Meksıka Syrtqy ister mınıstrliginiń habarlaýynsha, pontıfık otandasy argentınalyq saıasatkerge hat joldap, elindegi nashaqorlyqtyń órship bara jatqanyna alańdaýyshylyq tanytqan. Rım papasy Argentınadaǵy esirtki saýdasyn Meksıkamen baılanystyryp, «elimniń «meksıkalanýynan» qorqamyn degen.
Alaıda, Vatıkan Frantsısktiń sózin rastaýdan da, joqqa shyǵarýdan da bas tartyp otyr.
Meksıkanyń Syrtqy ister mınıstri Hose Antonıo Mıd Rım papasy osy sózimen Meksıka atyna kir keltirdi dep málimdedi.
