Meksıkalyq tóreshi 30 sekýndtyń ishinde 3 ret «qyzyl» qaǵaz kórsetti
ASTANA. QazAqparat - Meksıka Kýbogynyń 1/8 fınalynyń bas tóreshisi Mıgel Rodrıges «Monarkas» - «Tolýka» matchy kezinde 30 sekýndta Tolýka-de-Lerdo klýbynyń 3 oıynshysyn alańnan qýyp shyqty. Atalmysh oıynnyń vıdeosy YouTube jelisinde 9 naýryz kúni paıda boldy, dep jazady lenta.ru.
Portaldyń habarlaýynsha, esep 2:2 bolyp jatqan sátte jartylaı qorǵaýshy Kesýs Mendeske dóreki oıyny úshin ekinshi «sary» qaǵaz kórsetildi. Osy oqıǵadan soń «Tolýkı» komandasynyń golkıperi Alfredo Talavera óziniń klýbtasyna jaqtasyp, ol da ekinshi «sary» qaǵazyn aldy. Shabýylshy Enrıke Trıverıo bolsa, arbıtrdi ıtergeni úshin «qyzyl» qaǵaz aldy.
Osylaısha nebári 8 oıynshysymen qalǵan «Tolýkkı» ókilderi oıynnyń teń aıaqtalýyna qol jetkizdi. Alaıda olar penaltıden 2:3 esebimen qarsylastaryna ese jiberip aldy.
