Meksıkalyq Ramıres Golovkınniń qarsylasy bolýy múmkin
ASTANA. QazAqparat - BoxingScene.com aqparatyna súıensek, Gennadıı Golovkın alda ótetin meksıkalyq Hılberto Ramıres (32-0, 24 KO) pen nıderlandylyq Gevorg Hachıkıannyń (23-1, 11 KO) arasynda ótetin jekpe-jekke barady, dep jazady Sports.kz.
Promoýter Bob Arýmnyń aıtýynsha, meksıkalyq boksshy jeńgen jaǵdaıda, WBO tujyrymy boıynsha ekinshi orta salmaq boıynsha álem chempıony tıtýlyna mindetti úmitker bolady, birneshe nusqa boıynsha orta salmaqtaǵy álem chempıonynyń yqtımal qarsylasy retinde Gennadıı Golovkın qaralýda.
«Biz Tom Lefflermen kelesi jyly osy jeńilip kórmegen boksshylardy bir-birine qarsy shyǵarý taqyrybynda salmaqty áńgime ótkizdik. Bul tek erteń keshke eger Hılberto jeńgen jaǵdaıda ǵana bolady, osylaısha WBO tıtýlyna mindetti úmitker mártebesin saqtap, sosyn osy tujyrymdaǵy álem chempıony Artýr Abrahamdy jeńetin bolady.
Boksshylardyń kóbine kóp qysym kórsetiledi, alaıda Hılberto buǵan qarsy tura alady dep oılaımyn. Ol Abraham jáne Golovkın sııaqty tek úzdiktermen ǵana aıqasqa shyqqysy keletinin únemi aıtady. Buǵan deıin meksıkanyń ataqty boksshylary - Chaves, Morales, Barrera, Markes te tek úzdikterdi tańdaǵan. Olardyń ataqty bolýy da osynda», - dedi ol.
