Meksıkalyq narkobaron Korotyshka ekinshi ret túrmeden qashyp shyqty
ASTANA. QazAqparat - "Sınaloa" kartelin basqarǵan, Korotyshka dep atalyp ketken meksıkalyq eń yqpaldy narkobaron Hoakın Gýsman ekinshi ret erekshe qatań rejimdegi túrmeden qashyp ketti.
Meksıkanyń Ulttyq qaýipsizdik komıssııasynyń málimdemesinde Gýsmandy sońǵy ret senbi kúni Mehıko eliniń astanasyna jaqyn jerdegi "Altıplano" túrmesiniń jýynatyn bólmesinen kórgeni aıtylady.
Gýsman meksıkalyq, amerıkalyq polıtseılerdiń birlesken operatsııasy aıasynda Sınaloa shtatynda aqpanda tutqyndalǵan bolatyn. Ony Masatlan kýrortyndaǵy qonaqúılerdiń birinde tutqyndaǵan, dep jazady sheteldik BAQ.
Ol erekshe qorǵalatyn túrmeden qashyp ketip, 2001 jyldan bastap izdestirilýde bolǵan. Forbes jýrnaly Gýsmannyń ál-aýqatyn mıllıard dollarǵa baǵalady.
