Meksıkalyq munaı-gaz kompanııasynyń tankerinde jarylys boldy
ASTANA. QazAqparat - Tankerdiń 30 adamnan turatyn ekıpajy kemeni tastap ketti. Ázirge zardap shekkender týraly málimetter joq.
Meksıkanyń Pemex memlekettik munaı-gaz kompanııasynyń tankerinde jarylys bolyp, artynan keme órtke orandy. Oqıǵa shyǵystaǵy Verakrýs shtatynyń jaǵalaýynda boldy, dep habarlaıdy kompanııa ókilderi.
30 adamnan turatyn ekıpaj músheleri kemeni tastap shyqqan. Zardap shekkender týraly ázirge málimet joq, dep jazady tass.ru.
«Olardyń barlyǵy qaýipsiz aımaqqa kóshirildi»,-delingen Pemex kompanııasynyń tvıtterdegi resmı paraqshasynda.
80 myń barrel munaı sııatyn «Býrgos» tankerindegi órtti sóndirýge 4 órt sóndirýshi tehnıka qatysty. Qazirgi tańda kompanııa ókilderi jaqyn mańdaǵy eldi mekenderge tónip turǵan eshqandaı qaýiptiń joqtyǵyn aıtty.
