Meksıkalyq muǵalimder bas kóterdi
ASTANA. QazAqparat - Meksıka astanasy Mehıko qalasynda myńdaǵan muǵalimder ereýilge shyqty. Olar eńbekaqylarynyń óz ýaqytynda berilmeı otyrǵanyna ashýly, dep jazady «Egemen Qazaqstan» gazeti.
Narazy top eńbek jaǵdaıynyń tómendigi men ózderiniń quqyqtarynyń shektelýine de qarsylyq bildirýde. Ereýilshiler shahardyń basty alańynda shatyr quryp, jol qozǵalysyna kedergi keltirip otyr. Narazylyq aktsııasyn uıymdastyrýshylar jergilikti bılik qoıylǵan talapqa laıyqty jaýap berilmese, ereýildi jalǵastyra túsetinin jetkizýde.
Muǵalimder odaǵynyń ókili Rýben Nýnez: «Barlyq qoǵamdyq uıymdardy, jumysshylardy, fermerler men úı sharýasyndaǵy áıelderdi bizge qosylýyna shaqyramyz. Barlyǵymyz birlesip, eńbek etýshilerdiń quqyǵyn qorǵaýdy talap etýimiz qajet», - deıdi.
Meksıka úkimeti memleket qazynasynyń besten bir bóligin bilim berý salasyna jumsaıdy. Biraq soǵan qaramastan, meksıkalyq oqýshylar sabaq úlgerimi boıynsha tómengi kórsetkishke ıe.
Jalpy, Meksıkada áleýmettik túıtkilder óte kóp. Ásirese, qoǵamda tártipsizdik pen qylmystyń órship turǵany el damýyna keri áserin tıgizýde.
