Meksıkalyq Karlos Slım taǵy da álemniń eń baı adamy dep tanyldy
ASTANA. 10 naýryz. QazAqparat - Meksıkalyq magnat Karlos Slım Forbes jýrnalynyń nusqasy boıynsha taǵy da álemniń eń baı adamy dep tanyldy. Onyń baılyǵy 74 mıllıard dollarǵa baǵalanyp otyr, byltyr ol 20,5 mıllıard dollar tabys tapqan, dep habarlaıdy RBK agenttigi.
71 jastaǵy bıznesmen meksıkalyq Telefonos de Mexico telekommýnıkatsııalyq kompanııasyna ıelik etedi. Ol sondaı-aq New York Times basylymy men Globo Corso korporatsııasynyń qomaqty aktsııalaryna ıe.
Ekinshi orynda - Microsoft kompanııasynyń negizin qalaýshy Bıll Geıts tur, onyń baılyǵy - 56 mıllıard dollarǵa baǵalanyp otyr, bul byltyrǵy kórsetkishten 3 mıllıard dollarǵa kóp. Al úshinshi oryndy amerıkandyq mıllıarder Ýorren Baffet ıelenip otyr. Byltyr da úshinshi oryndy qanaǵat tutqan Berkshire Hathaway Inc ınvestıtsııalyq kompanııasynyń qojaıyny, da byltyrǵy baılyǵyn 3 mıllıard dollarǵa arttyrǵan. Bıyl onyń baılyǵy 50 mıllıard dollarǵa baǵalanyp otyr.
Forbes reıtıngine álem elderinen 1210 mıllıarder kirip otyr. Al olardyń jalpy dúnıe-múlki 4,5 trıllıon dollarǵa baǵalanyp otyr, bul Germanııanyń jalpy ishki óniminen asyp túsedi. Mıllıarderlerdiń qatarynda burynǵysynsha AQSh azamattary kóbirek- bul joly tizimge 413 amerıkandyq kirip otyr. Odan basqa, Brazılııa, Reseı, Úndistan jáne Qytaı elderiniń ókilderi de kóp.
