Meksıkalyq Hımena Navarrette «Álem arýy» atandy
ASTANA. Tamyzdyń 25-i. QazAqparat - 22 jastaǵy meksıkalyq sulý Hımena Navarrette bıylǵy «Álem arýy» atandy. Bul sheshimdi osymen 59-shy ret ótip otyrǵan sulýlyq baıqaýynyń qazylar alqasy málim etti. Konkýrs seısenbi kúni AQSh-tyń Nevada shtatyndaǵy Las-Vegas qalasynda aıaqtaldy, dep habarlaıdy ITAR-TASS agenttigi.
Aı dese aýzy bar, kún dese kózi bar meksıkalyq arý konkýrstyń aqtyq kezeńinde álemniń 82 elinen kelgen sulýlardan ozyp ketti. 2009 jylǵy «Álem arýy» venesýelalyq Stefanııa Fernandes Navarrettege altyn tájdi tabys etti.
