Meksıkalyq boıjetken Álem arýy atandy

ASTANA. QazAqparat - 68-shi ret ótkizilip otyrǵan baıqaýda «Álem arýy» ataǵyn Meksıkadan kelgen Vanessa Ponse de Leon jeńip aldy. Bul týraly «Álem arýy» baıqaýynyń uıymdastyrýshylary Instagramdaǵy paraqshasynda jarııalady, dep habarlaıdy QazAqparat.

Baıqaýǵa 118 eldiń arýlary qatysty. Úzdik bestikke meksıkalyq boıjetkennen bólek, Belarýs, Ýganda, Djamaıka  jáne Taıland sulýlary ótti.

Al qazaqstandyq úmitker Ekaterına Dvoretskaıa úzdik 30-dyqqa da ene almaǵan bolatyn.

Eske sala keteıik, baıqaý fınalynda qazaqstandyq ánshi Dımash Qudaıbergen óner kórsetip, «Umytylmas kún» atty qazaqsha ándi áýelete shyrqady.