Meksıkalyq boksshy Oskar Gonsales otandasy Hesýs Galısımen aradaǵy jekpe-jekten soń kóz jumdy
ASTANA. QazAqparat - Galısı senbi kúni Mehıkoda WBC Silver nusqasy boıynsha chempıondyq ataq úshin bolǵan aıqasta Gonsalesti onynshy raýndta nokaýtqa túsirgen edi.
Sharshy alańda esten tana qulaǵan sportshy shuǵyl aýrýhanaǵa jetkizildi. Artynsha onyń mıyna qan quıylǵandyǵy anyqtaldy. Kóp uzamaı, jeksenbi kúni meksıkalyq kóz jumdy. Ol nebári 33 jasta bolatyn.
Oskar Gonsales kásibı rıngte 26 kezdesý ótkizip, onyń 23-inde basym túsip, 3-eýinde jeńilgen, dep habarlaıdy RIA "Novostı" agenttigi.
