Meksıkalyq boksshy Haıme Mýngııa Gennadıı Golovkınmen jekpe-jektiń ýaqytyn atady
NUR-SULTAN. QazAqparat Meksıkalyq boksshy Haıme Mýngııa (37-0, 30 KO) kezekti aıqasyn kimmen ótkizgisi keletindigin aıtty. Onyń qarsylastarynyń ishindegi bastylarynyń biri Gennadıı Golovkın bolmaq, dep habarlaıdy QazAqparat Sports.kz saıtyna silteme jasap.
«Haıme Mýngııa keshe meni Gabrıel Rosadonyń óziniń kelesi qarsylasy bolatynyn kútip otyrǵanyn aıtty. Mýngıa kelesi jyly Gennadıı Golovkınmen jekpe-jek ótkizýden úmitti, biraq «Kaneloǵa» basa nazar aýdarady», - dep jazdy « Atletık» jýrnalısi Lans Pýgmır Twitter-de.
Esterińizge sala keteıik, qazaqstandyq boksshy Gennadıı Golovkın (41-1-1, 36 KO) IBF jáne IBO nusqasy boıynsha orta salmaqta álem chempıony. Al Mýngııaǵa keletin bolsaq, ol 160 fýntta WBO Inter-Continental tıtýlynyń ıegeri.
Buǵan deıin Gennadıı Golovkın men Rıota Mýrata arasyndaǵy jekpe-jek Rojdestvo kúni (28 jeltoqsan) ótedi dep habarlanǵan bolatyn.
