Meksıkalyq jankúıerler Dımash Qudaıbergenge mýzykalyq tosynsyı jasady
ASTANA. KAZINFORM — Bir jarym kún jol júrip, birneshe reıs aýystyrǵan Dımash Qudaıbergen men onyń komandasy jarty álemdi artqa tastap, Latyn Amerıkasyna jetti, dep habarlaıdy Kazinform Dimashnews.com saıtyna silteme jasap.
Qazaqstandyq ánshini Latyn Amerıkasynda alǵash bolyp Meksıkanyń ıÝkatan shtatynyń astanasy Merıda qalasy qarsy aldy.
Manýel Kressensıo Rehon atyndaǵy halyqaralyq áýejaıda jergilikti Dears ánshini ıÝkatan óńiriniń dástúrine saı qarsy aldy. Atap aıtqanda, aspaptyq trıo Meksıkanyń áıgili kompozıtorlarynyń tanymal týyndylaryn bolero stılinde oryndady.
Dástúri baı, arheologııalyq muralary men mádenıeti erekshe Merıda qalasy Dımashty kógildir muhıt beınelengen bannerlerimen, aq gúldermen jáne jankúıerler qolyndaǵy kók qaǵaz júrekshelermen qarsy aldy. Olar ánshiniń Meksıka jerine qaıta oralǵanyna qatty tolqyǵanyn jasyrmady.
Qazaqstannyń Meksıkadaǵy elshiliginiń ókilderi de ónerpaz ben onyń komandasyn alys elde qarsy alyp, sapar barysynda birge júrdi.
Aıta keteıik, Dımash Meksıkadaǵy alǵashqy kontsertterin osydan bir jyl buryn «Stranger» týry aıasynda Mehıkoda eki kún qatarynan anshlagpen ótkizgen edi.
Buǵan deıin Dımash Qudaıbergen Ankarada túrki áleminiń óner juldyzdarymen bir sahnada óner kórsetkeni habarlanǵan bolatyn.
