Meksıkaǵa «Dora» daýyly tónip keledi
ASTANA. 21 shilde. QazAqparat - Meksıkanyń tynyqmuhıttyq jaǵalaýyna tónip kele jatqan «Dora» daýyly kúsheıe túsýde, dep habarlaıdy Ýtro.rý agenttigi AQSh pen Meksıkanyń meterologııalyq qyzmetine silteme jasaı otyryp.
«Dora» daýyly qazir saǵatyna 26 shaqyrym jyldamdyqpen Meksıka jaǵalaýyn boılaı soltústik-batysqa qaraı jyljýda. «Dora» daýyly osy maýsymdaǵy Tynyq muhıttyń shyǵys bóliginde soqqan ekinshi qatty daýyl bolýy múmkin.
Shilde aıynyń basynda Meksıkanyń shyǵys jaǵalaýynda «Arlın» tropıkalyq teńiz daýyly kóterilgen edi. Jelmen kelgen sý tasqyny men selden 11 adam kóz jumyp, eldiń 250 myńǵa jýyq turǵyny baspanasyz qalǵan bolatyn.
