Meksıkadaǵy jer silkinisiniń saldarynan 800-den astam úı qırady
ASTANA. 22 naýryz. QazAqparat - AQSh Geologııalyq qyzmetiniń málimetterine qaraǵanda, Meksıkadaǵy jer silkinisiniń terbelisi 7,4 ball bolǵan, dep habarlady Bı-Bı-Sı-diń Orys qyzmeti.
Jerasty dúmpýiniń kindigi Gerrero shtatynyń Ometepek qalasynan 25 shaqyrym jerde boldy. Jergilikti ókimet oryndarynyń aqparatyna qaraǵanda keminde 800 úı qıraǵan.
Qurbandar týraly aqparat ázirge túsken joq. Jergilikti bılik Ometepek qalasyndaǵy jáne onyń mańyndaǵy barlyq mektepter men qoǵamdyq mekemelerdi tekserip shyǵýǵa pármen berdi. Kýágerlerdiń aıtýynsha, jer silkinisi kezde júzdegen qyzmetkerler keńselerinen kóshege qashyp shyqqan. Qalada dabyl úni qulaq tundyrady, qala ústin polıtseılik tikushaqtar sholyp júr.
