Meksıkadaǵy laı kóshkininen 16 adam qaza tapqan
ASTANA. Qyrkúıektiń 30-y. QazAqparat - Ońtústik Meksıka aýmaǵynyń Chıapas shtatynda oryn alǵan kúshti laı kóshkinen qaza tapqandar sany 16 adamǵa jetip otyr, - dep jazady Vestı. Rý.
Azamattyq qorǵanystyń Ulttyq júıesiniń úılestirýshisi Laýra Gýrstyń aıtýynsha, osy ýaqytqa deıin oqıǵa ornynan on tórt adamnyń múrdesi qazyp alyndy. Keshe qutqarýshylar taǵy da eki adamnyń múrdesin tapqanymen, áli ony qazyp shyǵara almaǵan. Jaqynda bolǵan laı kóshkini saldarynan túgel bir aýyl búlingen bolatyn. Amatan mýnıtsıpııasynda on úsh turǵyn jaraqattanǵan.
Chıapas shtatynyń ońtústiginen tas pen balshyq aralas kóshkin taýdyń etegindegi bir aýyldy túgel basyp qaldy. Meksıkanyń ońtústigindegi qaıǵyly oqıǵanyń sebebin Laýra Gýrs úzdiksiz jaýǵan nóser jaýynnan boldy dep otyr, dep habarlaıdy ITAR-TASS.
