Meksıkadaǵy qubyr jarylysynan 66 adam qaza tapty
ASTANA. QazAqparat - Meksıkadaǵy qubyr jarylysynan 66 adam qaza taýyp, taǵy 70 adam zardap shekti, dep habarlaıdy QazAqparat euronews.com agenttigine silteme jasap.
Qaıǵyly oqıǵa juma kúni keshkisin Idalgo shtatynda oryn alǵan. Jergilikti turǵyndar janarmaıy bar qubyrǵa ruqsatsyz oıyq jasaǵannan keıin órt tutanyp, artynsha jarylys bolǵan. Tilsiz jaýdy sóndirýge bir táýlikke jýyq ýaqyt kerek boldy.
Jaǵdaıǵa baılanysty elde tótenshe jaǵdaılar boıynsha ulttyq komıssııa óz jumysyn bastady. Zardap shekkenderge kómek kórsetý úshin Mehıka qalalyq bıligi dárigerlerdi 4 tikushaqqa otyrǵyzyp, Idalgoǵa jiberdi.
Aıta ketý kerek, Meksıkada qubyrdy tesip, otyn urlaý - qalypty is. Mundaı jaǵdaılardyń jıilegeni sonsha, ol tipti otyn tapshylyǵyna da aparyp soqtyrǵan. Bılik janarmaı urlyǵymen kúresýge bar kúsh-jigerin salyp otyr. Jyl basynda qubyr men tsısternalardy kúzetýge áskerdi tartýǵa týra kelgen.
