Meksıkadaǵy kólik bazarynda atys bolyp, bes adam oqqa ushty
NUR-SULTAN. QazAqparat - Meksıkadaǵy kólik bazarynda atys bolyp, bes adam qaza tapqan, dep habarlaıdy QazAqparat Televisa telearnasyna silteme jasap.
Meksıkanyń batysyndaǵy Mıchoakan shtatynyń Ýrýapan qalasynda avtomobıl bazarynda jeksenbi kúni bir top belgisiz adam satýshylarǵa oq jaýdyrǵan. Kem degende bes adam oqqa ushty.
Qylmyskerler oqıǵa ornynan izin sýytqan. Ázirge olardy ustaýdyń amaly tabylmaı tur. Bılik oqys oqıǵany tekserýge kiristi.
Keı derekterge qaraǵanda, osy shabýyldyń artynda óńirdegi qylmystyq toptardyń biri turǵan bolýy múmkin.
Eske sala keteıik, osydan jıyrma kúndeı buryn Meksıkanyń dál osy Mıchoakan shtatynda qaskóıler polıtsııaǵa shabýyl jasap, kem degende 14-in óltirip ketken bolatyn.
