Meksıkadaǵy eń bıik shyńǵa shyqpaq bolǵan elshilik qyzmetkeri qaza tapty
ASTANA. QazAqparat - Meksıkanyń eń bıik shyńy Orısaba janartaýyna shyqpaq bolǵan Amerıka elshiliginiń qyzmetkeri ajal qushty.
Bul jaıly Reuters agenttigi habarlady.
Onyń málimetterine qaraǵanda, Meksıkanyń shuǵyl qyzmetteri elshiliktiń eki qyzmetkerin izdegen. Demalý maqsatynda janartaýǵa shyqqandardyń biri qaza tapqan. Jazataıym oqıǵanyń qashan bolǵany ázirshe belgisiz.
Orısaba - uıqydaǵy janartaýlardyń biri. Onyń ornalasqan jeri Meksıkanyń Pýebla jáne Verakrýs shtattarynyń shekarasy mańynda. Bıiktigi 5 600 metrden asady.
