Meksıkadaǵy bılıard zalyna shabýyl: 8 adam ajal qushty
NUR-SULTAN. Meksıkada Irapýato qalasyndaǵy (Gýanahýato shtaty) bılıard zalynda qarýly shabýyl saldarynan segiz adam qaza taýyp, úsheýi jaraqattandy. Bul týraly jeksenbi kúni La Jornada gazeti habarlady.
Basylymnyń dereginshe, eki adam aýrýhanaǵa bara jatqan jolda jantásilim etti, taǵy ekeýi medıtsına mekemesinde kóz jumǵan. Zardap shekkenderdiń arasynda eki kámeletke tolmaǵan jasóspirim bar. Ázirge bul oqys oqıǵanyń sebep-saldary belgisiz bolyp otyr. Shabýyl jasaǵandardyń izin sýytpaı ustaýdyń sáti túspegen.
