Meksıkadaǵy avtobýs apatynda 10 adam tirideı órtenip ketti
ASTANA. QazAqparat - Beısenbi kúni jolaýshylar avtobýsy Meksıkanyń Tabasko shtatynda jolda janarmaı toltyrylǵan tsısternamen soǵylyp, saldarynan tutanǵan órtten 10 adam qaza boldy. Bul týraly jergilikti qutqarý qyzmetterine silteme jasaǵan RIA «Novostı» habarlady.
Apat Vılıaermosa men Sıýdad-del-Karmen qalalarynyń arasynda oryn alǵan. Qaqtyǵys saldarynan avtobýs ekige bólinip, tsısternadaǵy janarmaı tutanǵan. Adamdar jalyn ishinde mert boldy. Taǵy 20-ǵa jýyq adam jaraqattanyp, denelerin kúıik shalǵan.
Aldyn ala aqparat boıynsha, jol-kólik oqıǵasyna avtobýs júrgizýshisiniń rýlde qalǵyp ketýi sebep bolǵan.
