Meksıkadaǵy áýe apaty: tikushaq áýede órtenip, jerge qulady
ASTANA. Qazannyń 16-sy. QazAqparat - Meksıkada Pemex Meksıkanyń ulttyq munaı kompanııasynyń Bell 142 tikushaǵy apatqa ushyrady, dep habarlaıdy RBK.
Áýe apaty eldiń ońtústik-shyǵysyndaǵy Velakrýs shtatynda oryn aldy. Tótenshe oqıǵa kýágerleriniń aıtýynsha, tikushaq áýede janyp, jerge qulady.
Apat saldarynan tikushaqtyń ishindegi 8 jolaýshy da qaza tapty. Qaza tapqandardyń arasynda 2 pılot pen 6 munaıshy bar. Tikushaq Pemex qyzmetkerlerin Sıýdad-del-Karmen (Kampeche shtaty) qalasynan Mınatıtlan (Velakrýs shtaty) áýejaıyna ákele jatty.
Jergilikti bılik ókilderi apat sebepterin anyqtaý ústinde.
