Meksıkadaǵy atys: segiz adam qaza tapty
MEHIKO. QazAqparat — Meksıkanyń soltústik-shyǵysyndaǵy Tamaýlıpas shtatynyń Kamargo aýdanynda jeke tulǵalar arasynda bolǵan qarýly qaqtyǵys saldarynan kem degende segiz adam mert boldy. Bul týraly QazAqparat El Universal gazetine silteme jasap habarlaıdy.
Oqıǵa ornynan jeti órtengen avtomobıl tabylǵan. Aldyn ala málimet boıynsha, keleńsiz jaǵdaıǵa «Soltústik-shyǵys karteli» qylmystyq uıymynyń qatysy bar. Federaldyq nemese aımaqtyq bılik ázirge bul aqparatqa qatysty esh túsinikteme bergen joq.
Eldiń Qoǵamdyq qaýipsizdik jáne azamattardy qorǵaý mınıstrliginiń esepteýinshe, adam óltirý oqıǵalary eń kóp tirkelgen shtattar - Gýanahýato, Mehıko, Mıchoakan, Halısko jáne Chıýaýa.
