Meksıkadaǵy atys barysynda 39 adam qaza tapty
ASTANA. QazAqparat - Meksıkalyq Mıchoakan shtatyndaǵy atysta kem degende 39 adam kóz jumdy, dep habarlady Bı-bı-sı.
Polıtseıler men qarýlanǵan qaskóıler arasyndaǵy qaqtyǵys Mıchoakan jáne Halısko shtattary shekarasynyń mańyndaǵy Tanýato aýylynyń janynda bolǵan. Qarýlanǵan qaskóıler esirtki mafııasynyń músheleri bolýy múmkin.
Mıchoakan shtaty birneshe jyldan beri qaqtyǵysyp jatqan esirtki kartelderiniń «kúres alańyna» aınaldy. Jergilikti turǵyndar 2013 jyly esirtki mafııasyna qarsy kúresetin eriktiler tobyn qura bastady.
Ótken aptada Mıchoakan shtatynda saılaýaldy mıtıng kezinde meksıkalyq ıÝrekýaro qalasynyń meri bolýǵa úmitti Enrıke Ernandes ajal qushty. Belgisiz bireýler Ernandes sóılep jatqan kezde oq atqan. Ernandes 2013 jyldan beri Mıchoakan mafııasyna qarsy áreket etip jatqan jergilikti ózin-ózi qorǵaý qozǵalysynyń lıderi bolǵan.
