Meksıkadaǵy tártipsizdik: QR SІM qazaqstandyqtarǵa úndeý jasady

ASTANA. KAZINFORM — QR Syrtqy ister mınıstrligi jappaı tártipsizdikter oryn alǵan Meksıkadaǵy jaǵdaıǵa baılanysty sol elge barǵan qazaqstandyqtarǵa úndeý jasady.

Vedomstvo málimetine qaraǵanda, qazirgi ýaqytta Meksıkada 35 Qazaqstan azamaty konsýldyq esepte tur.

— Qazaqstannyń Meksıkadaǵy Elshiligi eldegi ahýalǵa muqııat qarap otyr jáne otandastarmen turaqty baılanysta. Qazaqstan azamattaryna sabyr saqtap, qyraǵylyq tanytýǵa jáne qaýipti jerlerge barmaýǵa keńes beremiz, - delingen QR SІM aqparatynda.

Eske salaıyq, jeksenbi kúni Meksıkanyń batysyndaǵy keıbir aýdandarda áskerı operatsııa kezinde qaqtyǵystar boldy. Meksıka áskeri Halısko Jańa urpaq karteliniń jetekshisi, El-Mencho degen atpen belgili Nemesıo Osegýera Servantesti óltirdi.