Meksıkadaǵy Merıda týrnıri: Anna Danılına kambek jasap, fınalǵa joldama aldy
ASTANA. KAZINFORM – Qazaqstannyń juptyq syndaǵy birinshi, álemniń 18-raketkasy Anna Danılına Merıda (Meksıka) WTA 500 týrnıriniń fınalyna shyqty.

Qazaqstandyq tennısshi reseılik Irına Hromachevamen birge dodanyń 1-raketkalary bolyp tirkelgen.
Anna Danılına – Irına Hromacheva jartylaı fınalda týrnırdiń 3-raketkalary, majarstandyq Tımeıa Babosh – amerıkalyq Nıkol Melıcharmen júzdesti.
Birinshi partııa majarstandyq-amerıkalyq juptyń enshisine jazyldy – 6:3.
Ekinshi sette taı-breıkte Danılına – Hromacheva sátti oınady – 7:6 (7:4). Sodan keıin sýper taı-breıkte jeńisti julyp aldy – 11:9.
Bir saǵat 40 mınýtqa sozylǵan báseke barysynda kambek jasaǵan Anna men Irına 2 eıspen birge 3 breık-poınttyń bireýin paıdalandy. Babosh – Melıchar 2 eıs, 2 breıkpen (4 breık-poınt) erekshelendi.
A.Danılına – I.Hromacheva júlde qory 1 mln AQSh dollarynan asatyn jarystyń fınalynda reseılik Aleksandra Panova – aýstralııalyq Ellen Peres nemese Polsha ókili Katajına Pıter – mysyrlyq Maıar Sherıf juptarynyń qaı jeńgenimen chempıondyq ataqty sarapqa salady.
Eske sala keteıik, budan buryn Anna Danılınanyń Meksıkadaǵy týrnırdiń fınalyna shyǵý úshin talasatynyn jazǵan bolatynbyz.