Meksıkada júk tıelgen kólik pen fýrgon soqtyǵysyp, 26 adam qaza tapty
MEHIKO. QazAqparat – Meksıkanyń soltústigindegi Tamaýlıpas shtatynda trassada tirkemesi bar júk kóligi men fýrgon soqtyǵysyp, 26 adam mert boldy, dep habarlaıdy QazAqparat Reuters agenttigine silteme jasap.
Tamaýlıpas shtaty Qoǵamdyq qaýipsizdik mınıstrliginiń málimetinshe, qos kólik shtat astanasy Sıýdad-Vıktorııaǵa jaqyn mańda soqtyǵysyp, órtengen.
Oqıǵa ornyna kelgen polıtseıler tirkemesi bar júk kóligi kúlge aınalǵanyn kórgen. Tamaýlıpas prokýratýrasyndaǵy derekkózdiń aıtýynsha, tergeýshiler júk kóliginiń júrgizýshisi qashyp ketti me, álde apat kezinde qaza tapty ma – bilmeıdi. Boljam boıynsha jeke kólik kompanııasyna tıesili fýrgon jolaýshylarynyń arasynda balalar da bolǵan. Apat qurbandarynyń bári meksıkalyqtar bolǵan tárizdi, sebebi oqıǵa ornynda solardyń jeke kýálikteri tabyldy.