Meksıkada jolaýshylarǵa tikushaq-taksı qyzmeti usynyldy
ASTANA. QazAqparat - Meksıkada taksı qyzmetiniń jańa túri engizildi. Endi asyqqan jolaýshylar qaladaǵy kólik keptelisiniń ústimen ushyp óte alady, dep habarlaıdy Habar 24 telearnasy.
Bul úshin Cabify tasymal kompanııasy men týrıstik qyzmetter usynatyn mekeme kelisimge kelip, tikushaq-taksı qyzmetin usynǵan. Ázirge olar Mehıkodaǵy áýejaı men qala ortalyǵynda ǵana jolaýshylar tasıdy. Ár tikushaqqa 5 adam otyrady. Biraq bir jolaýshy ózimen birge 10 keliden artyq júk alyp júre almaıdy. Al qyzmet quny 95 dollar.
Tikushaq taksı qyzmetin usynýshylardyń aıtýynsha, bul qoljetimdi baǵa. Óıtkeni 20 mıllıon turǵyny bar shaharda kepteliste qańtarylmaı, osy qyzmetti tutyna alatyn qaltaly azamattar jeterlik.
«Tikushaq taksıleriniń qyzmeti Latyn Amerıkasynda alǵash ret jolaýshylarǵa óz qyzmetin usynyp otyr. Qolaılylyǵy jaǵynan AQSh, Eýropadaǵy osyndaı qyzmet túrlerimen salystyrǵanda eshqandaı kem túspeıdi», - deıdi Cabify kompanııasynyń menedjeri Rıkardo Veder.
