Meksıkada jol apatynan 16 adam qaza taýyp, 36-sy jaraqat aldy
ASTANA. QazAqparat – Ortalyq Meksıkadaǵy Kýaknopalan-Oahaka tas jolynda 22 tamyzda jolaýshylar avtobýsy men júk kóligi soqtyǵysyp, saldarynan kem degende 16 adam qaza taýyp, taǵy 36 adam jaraqat aldy, dep habarlaıdy QazAqparat CNN-ge silteme jasap.
Jergilikti turǵyndar men mıgranttardy alyp bara jatqan avtobýs Oahaka men Pýebla shtattary arasyndaǵy shekaraǵa jaqyn tas jolda tirkeme júk kóligimen soqtyǵysqan, delingen Oahaka prokýratýrasynyń málimdemesinde.
Apattan kem degende segiz er adam men segiz áıel mert boldy, olardyń arasynda kámelettik jasqa tolmaǵan bala bar. Zardap shekkender medıtsınalyq kómek kórsetý úshin Pýebla shtatynyń aýrýhanalaryna jetkizildi.
Apattyń sebebi áli belgisiz. Prokýrorlar oqıǵanyń mán-jaıyn anyqtaý úshin saraptamalyq tergeý júrgizetinin aıtty.
Oahaka gýbernatory Salomon Hara Krýs áleýmettik jelide (Twitter) tıisti organdarǵa «zardap shekkenderge yntymaqtastyq jáne qoldaý kórsetýdi» tapsyrǵanyn jazdy.
«Biz qaza tapqandardyń otbasylaryna kóńil aıtyp, olarǵa barynsha qoldaý kórsetemiz», - dep jazdy ol.
