Meksıkada joǵalǵan stýdentterge qatysty tergeý júrgizýdi talap etýde
ASTANA. QazAqparat - Myńdaǵan narazylyq bildirýshi Meksıka kóshelerine yqty. Olar polıtsııamen qaqtyǵystan keıin joǵalǵan stýdentterge qatysty tergeý júrgizýdi talap etip otyr, dep jazady sheteldik BAQ.
Osyǵan deıin Gerrero shtatyndaǵy narazylyq aktsııasynan keıin 43 stýdenttiń iz-túzsiz joǵalyp, altaýy qaza bolǵany jaıly habarlanǵan bolatyn.
Stýdentter, ózderiniń pikirinshe, muǵalimderdi jumysqa ádiletsiz qabyldaý tártibine qarsy bas kótergen. Polıtsııa sol kezde oǵan qatysýshylarǵa qarsy oq ashqan bolatyn. Senbi kúni qala mańynan jappaı jerlengen máıitter tabyldy. Qazirgi ýaqytta sot-medıtsınalyq sarapshylar sol jerden shyǵarylǵan máıitterdiń joǵalǵan stýdentterge qatysy bar-joǵyn anyqtaýǵa tyrysyp jatyr.
