Meksıkada jerleý rásimi kezinde jasalǵan shabýyldan 10-nan astam adam qaza tapty
MEHIKO. QazAqparat - Jeksenbide Meksıkanyń batysyndaǵy Mıchoakan shtatyndaǵy jerleý rásimine qatysýshylarǵa qarýly shabýyl jasaldy. Aldyn ala málimetter boıynsha, San-Hose-de-Grasııa aımaǵynda belgisiz qylmyskerlerdiń qurbandary sany 10-nan 17 adamǵa deıin jetken, dep habarlaıdy QazAqparat Noticias MVS radıostantsııasyna silteme jasap.
Radıostantsııanyń habarlaýynsha, qyrǵyn bolǵan Markos Kastellanos mýnıtsıpalıtetinde «Jalıskonyń jańa urpaǵy», «Jańa Mıchoakan otbasy» jáne «Templıar rytsarlary» esirtki kartelderiniń qarýly toptary bar. Bılik qyrǵynǵa qatysy bolýy múmkin kúdiktilerdi izdestirýde.
Budan buryn MILENIO gazeti Qorǵanys mınıstrligine silteme jasap, Meksıkanyń birneshe aımaǵynda bıliktiń qylmyspen kúresý áreketteri nátıje bermegenin jazǵan edi.
Agenttiktiń baǵalaýy boıynsha 2021 jyldyń 13 tamyzynan 2022 jyldyń 16 aqpanyna deıin kisi óltirý deńgeıi Sakatekas shtatynda 10%-ǵa, Mıchokan shtatynda 9%-ǵa jáne Meksıka shtatynda 5%-ǵa ósti.
