Meksıkada jasyryn jerlengen jerden 30-dan astam adamnyń denesi tabyldy
ASTANA. KAZINFORM – Meksıkanyń ońtústigindegi Chapas qalasynda barlyǵy 30-dan astam adamnyń denesi bar 25 qupııa qabir anyqtaldy, dep habarlaıdy report.az.
Bul týraly shtattyń bas prokýrory Horhe Lýıs Lıaven Abarka málimdedi.
- Búginde biz barlyǵy 25 qupııa qabirdi anyqtadyq, 31 máıit tabyldy, onyń 29-y er adam jáne ekeýi áıel», - dedi ol Chıapas bas prokýratýrasynyń saıtynda jarııalanǵan málimdemede.
- Biz iz-túzsiz joǵalyp ketkenderdiń barlyǵynyń denesin tabý úshin barlyq qajetti sharayy qabyldaýdy jalǵastyramyz, - dep qosty Lıaven Abarka.
Meksıka-Gvatemala shekarasynda ornalasqan Chıapas shtaty qylmys týraly jańalyqtarymen belgili. Onyń aýmaǵyn Latyn Amerıkasy elderinen kelgen zańsyz mıgranttar paıdalanady, olar keıinnen AQSh-qa jetý úshin Meksıkany kesip ótýge tyrysady.
Sonymen qatar munda esirtki kartelderi belsendi jumys istep otyr.
Meksıka túrmesindegi qarýly narazylyq kezinde jeti adam kóz jumǵanyn jazǵan bolatynbyz.
