Meksıkada ushaq apatqa ushyrap, 5 adam qaza tapty
ASTANA. QazAqparat - Seısenbi kúni Meksıkada Mehıko jáne Keretaro qalalarynyń arasyndaǵy federaldyq kúre jolyna shaǵyn ushaq qulap, bes adam qaza tapty, dep habarlaıdy Keretaro shtatynyń federaldyq polıtsııasyna silteme jasaǵan «RIA Novostı».
Jergilikti bıliktiń málimetinde ushaq Keretaronyń mańyndaǵy tas jolǵa qulaǵany aıtylǵan.Ushaqta ushqysh, onyń kómekshisi jáne úsh jolaýshysy qaza boldy. Keretaro áýejaıynan ushyp shyqqan ushaq Gýanahýato shtatyna baǵyt alypty. Boljam boıynsha, ushaó kúre jolǵa shuǵyl qonbaq bolyp, ushqysh tizginge ıe bola almaı qalǵan.
Oqıǵa ornynda qutqarýshylar men órt sóndirýshilerdiń brıgadasy jumyldyrylǵan. Meksıkanyń federaldyq joldary men kópirler qyzmeti apat oryn alǵan kúre joldaǵy qozǵalys toqtatylyǵany týraly habarlady.
