Meksıkada túrmesindegi tártipsizdik kezinde 30-daı adam qaza tapty
ASTANA. QazAqparat - Meksıkada túrmedegi tártipsizdikter kezinde 28 sottalýshy qaza taýyp, taǵy úsheýi jaralandy. Oqıǵa eldiń ońtústik-batysyndaǵy Akapýlko qalasynda bolǵan, dep habarlaıdy Habar 24 telearnasy.
Munda abaqtynyń asa qaýipti qylmyskerler otyratyn bóliginde eki janjaldasýshy top tóbelesip qalady. Іzinshe bir-birin aıaýsyz qyryp saldy. Kúshtik qurylym ókilderi jaǵdaıdy óz baqylaýyna alǵandaryn habarlaıdy. Al qaıǵyly oqıǵa jaıly estigen sottalýshylardyń týystary shý shyǵaryp, mekeme aýmaǵyna ótpek bolǵan. Alaıda bul áreketten túk shyqpady. Negizi kezinde osy Akapýlko Meksıkadaǵy týrıster arasynda eń tanymal qalalardyń biri sanalatyn. Alaıda qylmys sany kúrt artyp ketkendikten, búginde eldegi eń qaýipti oryndardyń birine aınalǵan.
