Meksıkada týrıster úshin sý asty murajaıy ashylmaq
ASTANA. QazAqparat - Meksıkada bıylǵy jyldyń qyrkúıek aıynda sý asty arheologııasy murajaıy ashylady. Ol Plaııa-Bonıta kýrorttyq aımaǵynda, San-Fransısko-de-Kampecheden ońtústikke qaraı 8 shaqyrym qashyqtyqta ornalaspaq.
Ekspozıtsııa Ortalyq jáne Soltústik Amerıkanyń jaǵalaýlaryndaǵy teńiz qaraqshylary men keme tarıhyna arnalmaq. Kankýndegi áıgili sý asty murajaıy tárizdi, Museo de arqueologia subacuatica da teńiz túbinde bolady. Snorkelıng jabdyqtarymen jabdyqtalyp kelýshiler eski korablderdiń qaldyqtaryn, sýǵa batyp ketken qarý-jaraqtar men Meksıka jaǵalaýlarynda bolǵan basqa da shabýyldardyń dálelindeı bolyp qalǵan jádigerlerdi tamashalaı alady. Interaktıvti ekskýrsııa aıasynda týrıster sondaı-aq sol kezderdegi teńiz shabýyldaryn júrgizýden, artıllerııalyq snarıadtar men otarlyq saıasat kezeńinde Eýropa men Amerıkanyń arasynda keme qatynasy qalaı júzege asyrylǵanynan habardar bola alady, dep habarlaıdy Buenolatina.
Eksponattardy birneshe jyldar boıy zertteýshi ǵalymdar osy murajaı úshin arnaıy jınaǵan.
