Meksıkada týrıster mingen fýrgon apatqa ushyrap, 11 adam qaza tapty
NUR-SULTAN. QazAqparat - Meksıkanyń ońtústigindegi Chıpas shtatynda jeńil kólik pen týrıster mingen fýrgon soqtyǵysyp, 11 adam qaza tapty, 7 adam jaraqattandy. Bul týraly jergilikti prokýratýranyń málim etti, dep habarlaıdy QazAqparat AFP-ke silteme jasap.
«11 adam mert bolyp, 7 adam jaraqat aldy», - delingen onda.
Prokýratýradaǵylar qazirgi ýaqytta jol-kólik oqıǵasynyń sebepterin anyqtaý maqsatynda tergeý júrip jatqanyn aıtty.
Avtokólik pen týrıster mingen fýrgon jeksenbi kúni Meksıkanyń ońtústigindegi avtobanda soqtyǵysqan.
Jergilikti BAQ málimeti boıynsha, fýrgondaǵy adamdar Chıpas shtatyndaǵy eń tanymal qala - Sen Krıstobal de las Kasasqa bara jatqan.
