Meksıkada tropıkalyq daýyldyń saldarynan adamdar kóshirilýde
ASTANA. Qyrkúıektiń 7-si. QazAqparat - Meksıkanyń soltústik-shyǵysynda adamdar qaýipsiz jerge shuǵyl kóshirilip jatyr. Jaǵalaýǵa «Ermın» tropıkalyq daýyly jetip qaldy, dep habarlaıdy «Maıak» radıosy.
Tsıklon birneshe saǵattan keıin amerıka shekarasyna jetip, Tehas shtatynyń ońtústigine tónedi. Qatty nóser jaýyn sel tasqyny men laı kóshkinin týǵyzýy yqtımal. Mamandardyń aıtýynsha, tabıǵattyń tosyn minezi taýly aýdandardyń turǵyndaryna kóbirek qater tóndirip otyr.
«Ermın» bıylǵy maýsymda Atlantıkada qalyptasqan segizinshi tropıkalyq daýyl bolyp tabylady.
