Meksıkada «Tramptyń uly qorǵanyna» qarsy ereýilder ótýde
ASTANA. QazAqparat - Meksıka astanasynda 20 myńǵa jýyq adam AQSh prezıdenti Donald Tramptyń kóshi-qon saıasatyna qarsy ereýil ótkizdi. Atap aıtqanda, olar Tramptyń shekarada salynatyn uly qorǵannyń aqysyn meksıka úkimetine tóletý josparyna narazy, dep habarlaıdy QazAqparat.
Bı-Bı-Sı-diń jazýynsha, dál osyndaı kóterilister Meksıkanyń ózge de qalalarynda ótti.
Ereýilshilerge ondaǵan meksıkalyq ýnıversıtet, bıznes-qaýymdastyqtar jáne qoǵamdyq uıymdar qoldaý kórsetti.
Donald Tramp óz qyzmetine kirisken soń, Ońtústik Amerıkanyń barlyq aýmaǵynan zańsyz ımmıgranttar men esirtki satýshylardyń AQSh-qa ótýiniń jolyn kesý úshin Meksıkamen shekaraǵa uly qorǵan turǵyzý týraly jarlyqqa qol qoıǵan bolatyn.
5 aqpan kúni AQSh ishki qaýipsizdik mınıstri Djon Kellı qorǵan qurylysynyń eki jylǵa sozylatynyn jáne ol jaqyn kúnderi bastalatynyn málimdedi.
