Meksıkada tórt jýrnalıst iz-túzsiz joǵalyp ketti
ASTANA. Shildeniń 28-i. QazAqparat - Meksıkada shildeniń 26-synda Lagýna óńirinde iz-túzsiz joǵalyp ketken tórt jýrnalısti izdeý sharalary bastaldy. Adam quqyqtary jónindegi ulttyq komıssııa el úkimetinen kómek surap, ótinish jasady.
Komıssııa óz hatynda «óz jumystaryn atqarý barysynda jýrnalısterdiń jıi shabýylǵa ushyraı bastaǵanyn, sebebi olarǵa jasalǵan shabýyldar jetkilikti tekserilmeı otyrǵanyn», - basa atap kórsetti, dep habarlaıdy RBK agenttigi.
Joǵalǵandardyń ishinde - eki operator, Multimedios television telejelisiniń tilshisi jáne El Vespertino gazetiniń reporteri bar. Olardyń barlyǵy jolda kólik toqtatyp turǵan kezde shabýylǵa ushyraǵan. Bul - esirtki kartelderi jıi jasaıtyn áreket.
Jyldyń basynan beri Meksıkada jeti jýrnalıst óltirildi. Kóptegen BAQ qyzmetkerleri esirtki kartelderiniń tarapynan qoqan-loqy estip jatady.
