Meksıkada tikeleı efır kezinde radıo júrgizýshisin atyp ketti
ASTANA. QazAqparat - Maksıkada tikeleı efır kezinde radıo habar júrgizýshi Atılano Roman Tıradony atyp óltirdi. Ol kúndelikti efırge shyǵatyn baǵdarlamanyń júrgizýshisi bolǵan. Sonymen qatar, qurylysy júrip jatqan platınaǵa baılanysty qonys aýdarýǵa májbúr bolyp, ótemaqy talap etip júrgen 800 fermerge basshylyq jasaǵan, dep habarlady Associated Press agenttigi.
Senbi kúngi Tırado habar júrgizip otyrǵan ýaqytta efırden atylǵan qarýdyń daýysy, taǵy bir qyzmetkerdiń «Ol ony óltirdi, óltirdi!» degen sózderi estilgen. Osydan keıin «Fiesta Mexicana» radıosy jarty saǵattaı efırge shyqpaǵan.
Bolǵan oqıǵany Meksıkanyń Sınaloa shtatynyń polıtsııasy rastady. Quqyq qorǵaýshylardyń habarlaýynsha, tikeleı efır kezinde radıoǵa eki er adam kirip, onyń biri tapanshamen Tıradonyń basynan jáne keýdesinen atqan.
Sońǵy jyldary jergilikti fermerler birneshe ret blokada uıymdastyryp, sherýge shyqty. Olardy deni tutqyndaldy.
