Meksıkada taıaýda saılanǵan qala merin óltirip ketti
ASTANA. QazAqparat - Meksıkadaǵy Verakrýs shtatynda qylmyskerler toby jaqynda ǵana Idalgotıtlan qalasynyń meri bolyp saılanǵan Santana Krýza Baendi óltirip ketti, dep habarlaıdy Quadratin basylymy.
Qarýlanǵan top qala meriniń úıin qorshap, onyń kóshege shyǵýyn talap etken. Baen budan bas tartqan kezde qylmyskerler esikti buzyp, ishke basa-kókteı kirgen. Qaraqshylar sheneýnikpen birge onyń úsh oqqaǵaryn óltirdi.
«Novyı alıans» partııasy atynan qala meri bolyp saılanǵan Santana Baen bul laýazymda 31 jeltoqsan kúni jumysqa kirisýi tıis edi.
