Meksıkada tanymal mýzykalyq top múshelerin atyp ketti
ASTANA. 29 qańtar. QazAqparat - Meksıkanyń bılik ókilderi málim etkendeı, Nýevo-Leon shtatynyń Mına mýnıtsıpııa ranchosynda tabylǵan 12 máıittiń tórteýi tanymal Kombo Kolombia tobynyń mýzykanttary ekeni anyqtaldy.
Taǵy segiz adamnyń jeke tulǵalary anyqtalý ústinde. Aldyn al jasalǵan boljamdar boıynsha, olar da áıgili ujymnyń quramynda óner kórsetken, dep habarlady RBK.
Kombo Kolombia tobynyń joǵalyp ketkeni 25 qańtarda belgili boldy. EFE agenttiginiń málimetterine qaraǵanda, mýzykanttar jeke kontsertke ketip, qaıta oralmaǵan. Kezdesý ornyn belgilegen jerde olardy qylmyskerler urlap áketken.
Ujymnyń bir qatysýshysy qashyp úlgergen. Ol polıtsııaǵa jappaı kisi óltirý oqıǵasy bolǵan jerdi kórsetti.
Bı-Bı-Sıdiń málimetteri boıynsha, tanylmaǵan segiz máıitti polıtsııa qudyqtan alyp shyqqan.
Ujymda bas-aıaǵy 18 adam bolǵan.
