Meksıkada sý tasqynynan 800-deı úı zardap shekti
ASTANA. QazAqparat - Meksıkanyń soltústik-batysynda «Norbert» daýyly nóser jańbyrǵa ulasyp, sý tasqyny boldy. Odan kem degende 800 úı sý astynda qaldy, dep habarlady ITAR-TASS.
Azamattyq qorǵanys qyzmetiniń habarlaýynsha, osyǵan baılanysty qaýipti aımaqtardan 2000-ǵa jýyq adam kóshirildi.
Daýyldan eń qatty zardap shekken - Tynyq muhıty jaǵalaýynda ornalasqan San-Karlos eldi-mekeni. Onda biraz jerdi sý alǵan. Dál qazirgi ýaqytta «Norbert» Meksıkanyń Kabo-San-Lasaro qalasynan 260 shaqyrym qashyqtyqta. Jeldiń jyldamdyǵy saǵatyna 165 shaqyrym, keı jerlerde 205 shaqyrymǵa deıin jetedi.
