Meksıkada stýdentter el prezıdentiniń otstavkaǵa ketýine alty kún ýaqyt berdi
ASTANA. QazAqparat - Gerrero shtatynyń stýdentteri Meksıka prezıdenti Enrıke Pene Netoǵa otstavkaǵa ketý týraly sheshim qabyldaýyna alty kún ýaqyt berdi. Ol osydan 2 aı buryn joǵalǵan 43 stýdenttiń isine qatysty bolyp otyr, dep habarlady «RIA Novostı».
«Proceso» basylymynyń jazýynsha, jeksenbi kúni stýdentter Gerrero shtatynyń ákimshilik ortalyǵyndaǵy eki radıostansany birneshe saǵatqa basyp alyp, efırge shyqqan. Onda memleket basshysynyń otstavkaǵa ketýine alty kún ýaqyt beretinin habarlaǵan. Bul talap oryndalmaǵan jaǵdaıda olar el boıynsha jappaı qozǵalys uıymdastyrylatynyn aıtqan.
Jastar stýdentterdiń joǵalǵanyna 26 qarashada 2 aı bolatynyn eske salyp, bılik izdeý sharalary týraly jalǵan aqparat taratyp otyrǵanyn da eskertken.
