Meksıkada shtat gýbernatory áýe apatynan qaza tapty
ASTANA. QazAqparat - Meksıkanyń Pýebla shtatynyń gýbernatory Marta Erıka Alonso jáne onyń kúıeýi Rafael Moreno Vale tikushaq apatynan mert boldy, dep habarlaıdy Televisa arnasy.
Meksıka ortalyǵyndaǵy Pýebla shtatynyń basshysy Marta Erıka Alonso bul laýazymdy nebári 10 kún atqardy. Al onyń kúıeýi Rafael Moreno senator bolatyn. Shtat astanasynyń mańynda olar mingen tikushaq apatqa ushyrap, ekeýi de jantásilim etken.
Ulttyq qozǵalys partııasynan saılanǵan Alonso bul laýazymyna saılanarda birshama daý-damaı da bolǵan.
Oqys oqıǵaǵa baılanysty Meksıka prezıdenti Andres Manýel Lopes Obrador úkimetke onyń sebepterin anyqtaýdy tapsyrdy.
Foto: twitter.com/Ivan_stack
