Meksıkada shirkeý shatyry opyrylyp, toǵyz adam mert boldy
Meksıkada shirkeý shatyry qulap, toǵyz adam qaza tapty, taǵy 30 turǵyn qıraǵan ǵımarattyń ishinde qaldy. QazAqparat bul týraly BBC News basylymyna silteme jasap habarlaıdy.
Jergilikti BAQ-tyń habarlaýynsha, Sıýdad-Madero qalasyndaǵy Santa-Krýs shirkeýiniń shatyry opyrylyp, 10 adam aýrýhanaǵa jetkizilgen.
Tamaýlıpas shtatynyń polıtsııasy shirkeý shatyry qıraǵanda ishinde shoqyný rásimi ótip jatqanyn, 100-ge jýyq adam bolǵanyn habarlady.
Úıindi arasynda qalǵandardyń ishinde balalar da bolýy múmkin. Qutqarý jumystary jalǵasyp jatyr.
Áleýmettik jelilerdegi sýretterde shirkeý ǵımaraty qırap jatqanyn, al adamdar úıindini aınalyp, ishinde qalǵandardy izdep júrgenin kórýge bolady.
Bılik ókilderi ishinde qalǵan adamdar kómekke shaqyrǵanda estimeı qalmaý úshin oqıǵa ornyna jınalǵandardan tynyshtyq saqtaýdy talap etken.
