Meksıkadaǵy saılaýǵa sheteldikter aralasqany anyqtalsa, nátıje joıylady
ASTANA. KAZINFORM – Meksıka depýtattar palatasy (parlamenttiń tómengi palatasy) sheteldik aralasý anyqtalǵan jaǵdaıda saılaý nátıjelerin jaramsyz dep tanýdy kózdeıtin konstıtýtsııalyq reformany maquldady, dep habarlaıdy TASS.
– Konstıtýtsııanyń 41-babynyń VI bólimin ózgertý týraly jarlyq jobasy jalpy jáne jekelegen baptar boıynsha maquldandy. Qujatqa sheteldik aralasýǵa baılanysty saılaýdy jaramsyz dep tanýdyń jańa negizin engizetin tarmaq qosylady, – delingen depýtattar palatasynyń habarlamasynda.
Málimetke sáıkes, bastamany 307 depýtat qoldaǵan, 128-i qarsy daýys bergen, taǵy bir depýtat qalys qalǵan.
Túzetýlerge sáıkes, eger sheteldik sýbektilerdiń, saıası kúshterdiń nemese syrttan qarjylandyrýdyń saılaý qorytyndysyna yqpal etkeni dáleldense, daýys berý nátıjeleri jekelegen saılaý ýchaskelerinde de, búkil el kóleminde de kúshin joıýy múmkin.
El Universal gazetiniń jazýynsha, bastama avtory – bıliktegi partııa fraktsııasynyń úılestirýshisi Rıkardo Monreal.
Basylym atap ótkendeı, reforma ulttyq egemendikti qorǵaýǵa jáne syrtqy aralasýǵa qarsy kúreske baǵyttalǵan.
Aıta keteıik, buǵan deıin Meksıka prezıdenti álem chempıonatynyń ashylý matchyna arnalǵan bıletin syıǵa tartatynyn jazdyq.
