Meksıkada saıahatshy úsh metrlik qoltyraýynnan aman qaldy
ASTANA. QazAqparat - Meksıkada sýda júzip júrgen saıahatshy úsh metrlik qoltyraýynnan qutyldy, dep habarlady jergilikti BAQ.
Osy oqıǵa kýágeri bolǵandar janushyryp jaǵaǵa maltyǵan adamdy vıdeoǵa túsirgen. Jaǵada turǵandardyń biri qoltyraýynǵa úlkendeý zat laqtyrady. Sodan keıin sý jyrtqyshy baǵytyn ózgertip, saıahatshy aman qalady.
Bul oqıǵa Meksıkanyń Sıan-Kaan bıologııalyq qoryǵynyń aýmaǵynda bolǵan. Vıdeony túsirgen avtor bul adamdarǵa qoryq mańynda saq bolý kerektigin taǵy bir ret kórsetti dep eskertý jasaǵan.
